Kalittokai

((Originally extracted from master file ^KALI.OCP))
((Last updated on 2004 April 14th))

• {KALI 39-1} kāmar kaṭum puṉal kalantu emmōṭu āṭuvāḷ
• {KALI 39-2} tāmarai kaṇ putaittu añci taḷarntu ataṉōṭu oḻukalāṉ
• {KALI 39-3} nīḷ nāka naṟum taṇ tār tayaṅka pāyntu aruḷiṉāl
• {KALI 39-4} pūṇ ākam uṟa taḻīi pōttantāṉ akal akalam
• {KALI 39-5} varu malai puṇarntaṉa eṉpataṉāl eṉ tōḻi
• {KALI 39-6} aru maḻai taral vēṇṭiṉ tarukiṟkum perumaiyaḷ ē
• {KALI 39-7} avaṉ um tāṉ ēṉal itaṇattu akil pukai uṇṭu iyaṅkum
• {KALI 39-8} vāṉ ūr matiyam varai cēriṉ a varai
• {KALI 39-9} tēṉiṉ iṟāl eṉa ēṇi iḻaittirukkum
• {KALI 39-10} kāṉ akal nāṭaṉ makaṉ
• {KALI 39-11} ciṟukuṭiyīr ē ciṟukuṭiyīr ē
• {KALI 39-12} vaḷḷi kīḻ vīḻā varai micai tēṉ toṭā
• {KALI 39-13} kollai kural vāṅki īṉā malai vāḻnar
• {KALI 39-14} alla purintu oḻukalāṉ
• {KALI 39-15} kāntaḷ kaṭi kamaḻum kaṇ vāṅku irum cilampiṉ
• {KALI 39-16} vāṅku amai mel tōḷ kuṟavar maṭa makaḷir
• {KALI 39-17} tām piḻaiyār kēḷvar toḻutu eḻalāl tam aiyar um
• {KALI 39-18} tām piḻaiyār tām toṭutta kōl
• {KALI 39-19} eṉa āṅku
• {KALI 39-20} aṟattoṭu niṉṟēṉai kaṇṭu tiṟappaṭa
• {KALI 39-21} eṉṉaiyarkku uyttu uraittāḷ yāy
• {KALI 39-22} avar um teri kaṇai nōkki cilai nōkki kaṇ cēntu
• {KALI 39-23} oru pakal ellām uruttu eḻuntu āṟi
• {KALI 39-24} iruvar kaṇ kuṟṟam um illai āl eṉṟu
• {KALI 39-25} terumantu cāyttār talai
• {KALI 39-26} teri iḻāy nī um niṉ kēḷ um puṇara
• {KALI 39-27} varai uṟai teyvam uvappa uvantu
• {KALI 39-28} kuravai taḻīi yām āṭa kuravai uḷ
• {KALI 39-29} koṇṭunilai pāṭi kāṇ
• {KALI 39-30} nallāy
• {KALI 39-31} naṉṉāḷ talai varum ellai namar malai
• {KALI 39-32} tam nāṇ tām tāṅkuvār eṉ nōṟṟaṉar kol
• {KALI 39-33} puṉa vēṅkai tātu uṟaikkum poṉ aṟai muṉṟil
• {KALI 39-34} naṉavil puṇarcci naṭakkum ām aṉṟu ō
• {KALI 39-35} naṉavil puṇarcci naṭakkal um āṅku ē
• {KALI 39-36} kaṉavil puṇarcci kaṭitum ām aṉṟu ō
• {KALI 39-37} viṇ tōy kal nāṭaṉ um nī um vatuvai uḷ
• {KALI 39-38} paṇṭu aṟiyātīr pōl paṭarkiṟpīr maṉ kol ō
• {KALI 39-39} paṇṭu aṟiyātīr pōl paṭarntīr paḻam kēṇmai
• {KALI 39-40} kaṇṭu aṟiyātēṉ pōl karakkiṟpeṉ maṉ kol ō
• {KALI 39-41} mai tavaḻ veṟpaṉ maṇa aṇi kāṇāmal
• {KALI 39-42} kaiyāl putai peṟūum kaṇkaḷ um kaṇkaḷ ō
• {KALI 39-43} eṉṉai maṉ niṉ kaṇṇāl kāṇpeṉ maṉ yāṉ
• {KALI 39-44} neytal itaḻ uṇ kaṇ niṉ kaṇ āka eṉ kaṇ maṉ
• {KALI 39-45} eṉa āṅku
• {KALI 39-46} neṟi aṟi ceṟi kuṟi puri tiripu aṟiyā aṟivaṉai muntuṟīi
• {KALI 39-47} takai miku tokai vakai aṟiyum cāṉṟavar iṉam āka
• {KALI 39-48} vēy purai mel tōḷ pacalai um ampal um
• {KALI 39-49} māya puṇarcci um ellām uṭaṉ nīṅka
• {KALI 39-50} cēy uyar veṟpaṉ um vantaṉaṉ
• {KALI 39-51} pū eḻil uṇ kaṇ um polikamā iṉi ē